[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anak gin-‘tokhang’ ang amay, patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang amay sang ginsulod sa iya kwarto samtang nagakatulog sa ila balay sa Purok Hardin, Doña Juliana Subdivision sa Barangay Taculing diri kahapon sang aga.
Sunu kay Chief Insp. Charles Gever, hepe sang Police Station 6, ginkilala ang biktima nga si Romeo Jambo Jr., 53, may asawa. Ang suspek naman nakilala nga si Reynaldo Jambo, 33, kag anak sang biktima.
Siling pa ni Gever, naghambal si Reynaldo nga, “Tokhangon ko si tatay,” bangod nagahoran ini sa iya amay kon hubog.
Gilayon nga nagsulod ang suspek sa kwarto sa diin didto ang iya amay nagakatulog kag ginbunu nga naigu sa dughan. Dali-dali pa nga gindala ang biktima sa Corazon Locsin Montelibano Memorial Regional Hospital apang ginlawag dead-on-arrival sang mga doktor.
Sunu naman sa kaingod sang mag-amay, dapat si Reynaldo ang gin-“tokhang” bangod nagagamit ini sang ginadili-an nga droga.
Gilayon man nga nadakpan ang suspek sa pagrespondet sang mga otoridad kag yara subong priso sa custodial jail sang Police Station 6./PB
[/av_textblock]
[/av_one_full]
