[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nga gindalasa-patay sang SUV kilala na’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nakilala na ang nadalasa kag napatay sang sports utility vehicle (SUV) nga Ford Everest alas-11 sang gabi sang Martes sa idalom sang flyover sa Bangga Pepsi sakop sang Barangay Bata diri.
Sunu kay Senior Inspector Larry Teovisio, hepe sang Police Station 3, ang pariente sang biktima ang nakakilala diri nga amo si Gregorio Jagonoy, 37, kag residente sang Purok Riverside, Zone 3, Brgy. Banago.
Ginkilala naman ang drayber sang SUV nga si Jason Artuz, 22, seaman kag taga-Carmela Valley Homes sa Syudad sang Talisay, Negros Occidental.
Gindala pa ang biktima sa Corazon Locsin Montelibano Memorial Regional Hospital apang ginlawag patay mga alas-11:45 ang takna sadto man nga gab-i.
Sunu sa pulis, naga-inom ang biktima kag ang iya wala ginhingadlan nga tiyo sa isa ka bar sa amo nga duog pero sang ulihi, nag-una puli ang iya tiyo.
Sang nagapauli naman si Jagonoy, sa idalom sia sang flyover nag-agi kon sa diin sia nadalasa sang SUV. Gin-report pa nga ang biktima may diutay nga diperensya sa paminsaron.
Nagsungka man dayon sa mga pulis si Artuz apang nagpangabay nga mapa-ospital matapos maglain ang iya pamatyag.
Sunu naman sa ulihi nga balita gikan sa kapulisan, handa man magbulig ang nakadalasa sa biktima./PB
[/av_textblock]
[/av_one_full]
