[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KUNTANI IMO MAN MAHANGPAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
May mga gugma
Nga nagatubu; may ara man
Sa una nga pagkita. (#1327)
May mga ginatun-an
Nga higugmaun; may ara man
Ginahigugma sa gilayon. (#1328)
May mga gugma
Nga inanay kag tayuyun;
May ara man madasig. (#1329)
May gugma kasubong kilat,
May ara kasubong daguob,
May kasubong sang akon. (#1330)
Wala ako nagadali —
Apang gin-igu ako sang gugma
Kasubong kilat. (#1331)
Sang ikaw nagyuhum —
Ikaw ang kilat
Nga nag-igu sa akon. (#1332)
Sang ikaw nagtuhaw —
Nag-untat ang tanan:
Ang horas, ang reloj. (#1333)
Sang ikaw nagpalapit —
Nagtinung ang tanan:
Ang gahud, ang palibot. (#1334)
Sa katinung —
Ang nabatian ko lang,
Ang akon tagipusuon. (#1335)
Kilat ka nga nagyuhum —
Daguob nga nagkubakuba
Ang akon dughan. (#1336)
“I-kaw! I-kaw! I-kaw” —
Ang tunog sang tagsa ka kibo
Sang akon kasingkasing. (#1337)
Ay! Nga kuntani
Nabatian mo man ang hutik
Sang akon dughan. (#1338)
Ay! Kuntani mabatian mo man
Kon magsinggit
Ang akon dughan. (#1339)
Ay! Nga kuntani
Mahangpan mo man
Ining akon binalaybay. (#1340)
Ay! Kuntani mahangpan mo
Nga kon kaisa, ang yuhum, kilat;
Kag ang kilat, gugma. (#1341)
[/av_textblock]
[/av_one_full]
