[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Miyerkoles, agusto 2, 2017
[/av_textblock]
[av_textblock size=” font_color=” color=”]
NAGAKABALAKA APANG NAGAKUMPIYANSA
Pila ayhan sa ila nga nalawagan sadto ni Presidente Rodrigo Duterte ang nagamurarat ang mata tubtub sa kaagahon? Pila ayhan sa ila ang nagakulob kag sa ulunan nagasalop? Pila ayhan sa ila ang ginahilas sa tunga sang mabudlay nga kagab-ihon?
Nakahibalo kita nga natublag ang tanan sa pinakabag-o nga hitabu sa Ozamiz City. May nagapamalakpak, may nagalungo-lungo, may ginakibang, kag may nagasiling sang kadalag-an.
Madamo sang mga pang-ino-ino ang nagtuhaw angot sa natabu. May nagapaminsar nga seryoso ang gobyerno sa pagbungkag sa bisan pa pinakamapag-on nga pader lamang nga mapukan kag madugmok ang ilegal nga druga, krimen kag kurapsyon.
May nagasiling nga daw indi mapatihan ang operasyon nga ginpatigayon kag daw gintuyo gid nga utason ang mga natungdan. Apang ang tanan sa karon lunsay pa lamang mga haum-haum.
Magaklaro lang ang tanan kon magtahaw na ang poog sang aso, kon maglugdang na ang lalud, kag kon magkalma na ang balud.
Sa pagluntad sang hitabu sa Ozamiz City, gilayon nga ginakahangaw-an sang iban nga nalawagan sa listahan sang presidente ang ila nga seguridad. May nagakabalaka sa ila nga sitwasyon nga basi may matabu sa ila nga kaangay sini.
Madasig nga nagpagwa sang pahayag si Maasin Mayor Mariano Malones nga wala siya nagakabalaka, wala siya natublag bangud nagapati siya nga wala siya sang dapat ikahangawa.
Nagtuhaw man sa social media ang ngalan ni Mayor Jed Patrick Mabilog. Halos bisan diin makita ang iya nawong nga ginasiling basi amo ang masunod.
Nakabungat si Philippine National Police chief Ronald Dela Rosa nga may madamo pa sang masunod nga pag-reyd sa iban pa nga lugar ilabi na sa Western Visayas kon sa diin amat-amat naman nga nagamuad kag nagabalik ang pagdata sang ilegal nga druga.
Indi malayo nga may pagahiwaton nga daku nga operasyon diri sa aton, kabangdanan nga madamo sang ispikulasyon nga nagatuhaw kag madamo sang nalawagan ang ginabalhas sang mabugnaw.
Apisar nga nagakabalaka, apang nagakumpiyansa kuno si Mayor Jed Patrick Mabilog bangud mahimo nakita man sang Duterte administration ang iya paghimakas nga masuportahan ang adbokasiya batok sa ilegal nga druga. Madamo siya sang ginapakita nga nahimuan angot sa sini nga kampanya sang gobyerno.
Kahibalo kita nga bisan si Ozamiz City Mayor Reynaldo “Aldong” Parojinog Sr. ang hugot nga nagakampanya kontra sa ilegal nga druga, apang gindemalas kag nadisgrasya.
May dapat ka bala nga kabalak-an kon wala ka sang may nahimuan? May yara bala sang manukot kon wala ka sang gin-utang? May yara ka bala sang ikatublag kon sadto wala ka man sang may natublag?
Nagatiyog ang kapalaran. Panahon ang magahusgar sang tanan, ang tagsa ka tawo may kaugalingon nga panan-awan, paghangop kag pagpanimbang.
Bisan ang kamatuoran nagakagupi sa kumos sang kabutigan apang sa paglipas sang panahon nagapangibabaw ang kamatuoran.
Kon nagapati si Mayor Mabilog nga wala sang kamatuoran ang alegasyon batok sa iya sang presidente, dapat ipadayon lang niya ang iya hilikuton kag indi magpatay-og sa sitwasyon.
Indi mapaiway nga matublag ang alkalde, pero ang importante nga bisan nagakabalaka apang nagakumpiyansa./PB
[/av_textblock]
[/av_one_full]
