[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, October 27, 2017
[/av_textblock]
[av_textblock size=” font_color=” color=”]
WALA SANG IKASARANG
Gin-aku sang Philippine Drug Enforcement Agency (PDEA) 6 nga nabudlayan sila sa pag-operate batok sa ilegal nga droga sa Western Visayas.
Umpisa nga gintugyan sa ila sang presidente ang katungdanan kag ginpahigad ang kapulisan, sugod Oktubre 11 tubtob Oktubre 24, duha lamang ka operasyon ang ila natigayon kag isa diri sa Capiz kag isa man sa Negros Occidental.
Nagakabalaka ang PDEA-6 bangod nga kulang sila sa tawo nga magahiwat sang anti-drugs operation, sa pagmonitor sa mga drug personalities kag sa paghiwat sang angay nga tikang agud nga madakpan ang mga nagabaligya sang ilega nga droga.
Nagapalibog man ang PDEA-6 bangod nga kulang sila sa salakyan kag naga-arkila lamang sila sa tion nga may yara sila sang ginahiwat nga operasyon, sa tion nga may ginasundan sila nga mga dalakpon kag salakyan nga gamiton agud mapahulag ang ila tawo sa ila ginahiwat nga operasyon. Tuman ka sangkad sang rehiyon kag kinahanglan ang salakyan agud mapadasig ang ila paghulag kag ang kakulangan sang salakyan ang nagatuga sang huol kag sablag.
Kaangay sa problema sang tanan, kulang man sila sang pundo nga pagagamiton sa tagsa ka paghiwat sang operasyon. Magasto ang magsunod sa dalakpon kag ang tagsa ka operatiba nga nakatoka sa paghiwat sang operasyon ang nagakinahanglan sang badyet para sa paghulag, pagkaon, transportasyon, kag iban pa nga galastohan agud nga madakpan ang ginatarget nga persona.
Pila lamang ini sa mga bagay nga nagahatag sang huol kag nagapabudlay sa paghulag sang operatiba agud nga makahiwat sang madinalag-on nga operasyon.
Apang, sadtong nagligad nga administrasyon nga ang PDEA man ang nagapanguna sa kampanya, ano ayhan ang natabu? Ngaa nga masami nagapangdakop apang wala sang kasolbaran ang problema? Madamo sang nadakpan apang madamo man ang nagabaligya?
Wala ayhan nawad-an sang pundo ang PDEA-6 sadto? Paano ayhan sila nakasalbar sa mga palaligban kaangay sa karon nga ginaagunto sang bag-o nga pamunoan? May yara ayhan sang nagaamot sa PDEA-6 rason nga bisan paano ang kakulangan sa pundo ang mahagan-hagan kag bisan paano nakahiwat sila sang operasyon? Sin-o ayhan ang nagahatag sang dugang nga pundo? Magahatag man ayhan sila subong sang pundo?
Madamo sang palamangkutanon nga nagakinahanglan sang kaathagan gikan sa mga nagabuylog sa kampanya kontra sa ilegal nga droga.
Maathag nga madamo pa sang dalakpon nga wala pa nadakop. Madamo sang nagpatokhang apang mas madamo ang wala nagpatokhang.
Kon makita sang mga nabilin nga tinugyanan sang mga drug lord nga mahuyang ang ila kasumpong, indi ayhan nila ini paglutuson? Kon makita nila nga kulang sa tawo, sa karon pa lang indi ayhan sila magpamentaha sang todo? Kon kulang sa kwarta ang taga PDEA, indi ayhan sila magtan-ay agud nga sila ang maganyat kag mahaylo agud nga masami na lang irason nga wala sila sang operasyon bangod nga kulang sa pundo?
Samtang ginabandera sang PDEA ang iya kahuyang, ang mga sutil magakamang, magapuno sa sini nga kakulangan kag amat-amaton sila nga kaunon sa sistema kon sa diin sila nauyon.
Magabaskug ang kasumpong samtang ang PDEA wala sang ikasarang./PB
[/av_textblock]
[/av_one_full]
