[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NABALIKDAN KAG NADUMDUMAN
Linibo ka mga pares sang mga mata ang liwat nakakita sa kahimtangan sang mga patyo nga ginadumala sang gobyerno sang syudad. Liwat nga nakita ang kahimtangan sa kon ano ka gutok kag daw napabay-an nga kahimtangan nga ang mga pagdanaw ang wala masolusyonan ilabi pa nga nag-ulan.
Ang pagbisita sa mga minatay amo ang pagtalupangod sa gobyerno nga nagaparumatay. Madugay na nga problema, tinuig na nga ginsapak apang sa karon wala sang may natuman kag wala sang proyekto nga nasugoran.
Napasar na sadto pa sang tuig 2013 ni Councilor Ely Estante ang pagpahamtang sang City Crematorium, Columbarium, and Multi-Purpose Hall sa sulod sang patyo nga ginadumala sang syudad kag una kontani nga pahamtangan sini amo ang Tanza Cemetery.
Nalakip sa tatlo ka mga patyo nga ginadumala sang syudad kag ang propiedad iya sang syudad amo ang patyo sa Quintin Salas sa Jaro kag ang sa likod nga bahin sang patyo sa Jereos sa La Paz.
Liwat nga natumpokan sang yab-ok ang napasar nga ordinansa sa karon nga wala sang pondo ang syudad nga magamit apang kahibalo magpangutang ang syudad sang 360 million pesos agud itukod ang mga school building para sa K to 12 apisar nga may pondo man ang DepED.
Naghiwat sang imbentaryo kag sketch sang mga nitso sa patyo sang Tanza ang city government paagi sa City Environment and Natural Resources Office sadtong bulan sang Hulyo tuig 2010 bangod sa nakita nga kagutok sa mga patyo
Sadtong Nobyimbre 2010, nagpahayag si anay Mayor Jed Patrick Mabilog nga mangita sia sang 3 million pesos nga pondo agud makabakal sang isa ka ektarya nga lote para sa bag-o nga public cemetery.
Sang tuig 2011, ang Iloilo City Public Cemeteries Coordinating Council naghiwat sang ocular inspection sa tatlo ka mga natumod nga public cemeteries bangod man sa katuyoan nga masabat ang problema sa katinlu, pagkakas sa mga illegal structures, kag kagutok.
Nagtuyo ang city government sadtong Disyembre 2012 nga ipakaayo ang mga public cemeteries bilang kabahin sang ‘womb-to-tomb’ project ni Mayor Mabilog. Nagpain ang city government sang 5 million pesos para sa pagbakal sang bag-o nga mga lote bilang temporaryo nga patyo samtang ginakay-o ang tatlo ka mga natumod nga patyo.
Nahibaluan nga sang Enero 2014, may kabug-osan nga 28 ka mga nitso sa kapin 88 ka nitso sa apartment style nga himu sa anum ka sampaw nga napasad sadtong 20 ka tuig na ang nakalipas ang narumpag sadtong Enero 12, 2014 bangod sa mamunog nga ulan.
Sadtong Oktubre 2014, ginpasalig sang city government nga ila iduso ang columbarium project para sa masunod nga tuig, 2015, bangod nagapangita na sang angay nga lugar ang syudad. Sunu kay Mabilog nga wala niya gina-abandonar ang proyekto apang nagahulat lang sang angay nga tion kag lugar bangod ang proyekto ginalauman nga magapahawan sa magutok nga tatlo ka mga public cemeteries.
Sa karon, liwat naman naton nga nakita ang kaangay nga mga sitwasyon sa mga patyo kag ang tanan nabalikdan kag nadumdoman./PB
[/av_textblock]
[/av_one_full]
