[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MADULOM NGA PAGHAOM-HAOM
Nagakapuling na ang higante sa yab-ok kag nagapanghapulas na sia sang iya nga guya.
Kon sadto wala sang gana ang PECO nga magsabat kag mag-atubang sa hingyo sa ila sang City Council, sa karon sila na ang nagapangkamras agud balikdon kag pamatian sang ila lamentasyon kag sabat agud maathagan ang mga isyu nga ginahaboy batok sa ila.
Nagabatyag sila sang kabalaka nga ang gamay nga bagay nga wala nila ginhatagan sang pagtamod karon naga-amat-amat na makot kag nagatuga ang makatalagam nga sitwasyon kag huol sa ila tuyo nga pag-renew sang ila prangkisa.
Wala nila naantisipar nga magtingob ang mga yab-ok kag naghurma sang bato nga magapasintak sa ila nga ulo, nagaalipasa sila sa pagpangita sang paagi kon paano mapakalma ang sitwasyon kag kon paano makumbinser ang mga tawo nga tuhay sa isyu ang nagakatabu.
Maathag nga ang mga magagmay nga bagay nga ginapabaya-an, sa ulihi, mangin daku nga palaligban.
Padayun ang paghulag sang mga nagapamalabag, nagalibot sa kabarangayan kag nagaagda sa mga may kaangay nga tindog nga magpirma sa petisyon agud ipakita nga sila ang nagabuylog sa kawsa.
Padayun ang singgitan nga pamatokan ang franchise renewal sang PECO.
Apang, madamo man sang nagapamangkot kon ano ang mahimu matabu kon indi na pag-i-renew ang prangkisa sa PECO. Ano kahapos ang ginatawag nga pagbulos sang gobyerno sa pagsuplay sang kuryente sa syudad kag indi masablagan ang lakat sang ekonomiya?
May maathag na bala nga tikang ukon panan-awan ang mga nagapalabag kon ano ang mangin senaryo sa tion nga aprubahan nga ipahigad na ang PECO?
Ano nga layi ang balasehan kag ano ang ginasaad sang sina nga kasugoan? Ano ang maathag nga kahimtangan nga luyag makita sang kadamuan?
Maathag nga may mga bagay nga dapat tadlungon ang PECO kag husto ang mga pasuni angut sa over-billing sa mga konsumidor, mabatyagan ang kaarogante sang mga tinawo sang PECO bangud nga wala na sang paaliwansan ang mga tawo, wala sang pilian nga iban nga serbisyo kag agwantahon na lang kon ano ang matan-ay sang PECO, makita man ang laminday nga pagresponder sa mga bagay kaangay sang poste nga nagahilay kag iban pa nga mga reklamo.
Dapat ipabatyag man sa PECO nga wala sila nagapanag-iya sang kalibutan nga ila ginahulagan, nga dapat pasulabihon nila ang paghatag sang maayo nga serbisyo sa mga konsumidor kag indi basta na lamang nga mag-isip sang ila maginansya.
Ang kadamuan nagakomporme sa ginapakita nga sahi sang serbisyo sang PECO, rason nga madamo man ang nagapirma sa petisyon sa pagpakita sang ila panindugan.
Apang ang pag-away sa PECO ang indi lamang lunsay pagtapungol, paarak nga pagtapungol nga wala sang klaro nga igu ukon indi maathag kon sa diin nagatupa.
Kinahanglan ibungat sang mga nagapamalabag ang maathag nga senaryo sa palaaabuton kon ano ang dapat lantawon kon indi na pagtugutan nga magserbisyo ang PECO.
Mabudlay magkumbinser sa madamo pa nga iban kon buron sa ila mata ang mangin senaryo sa palaabuton.
Dapat nga athagon kag likawan ang madulom nga paghaom-haom./PB
[/av_textblock]
[/av_one_full]
