[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Indi matuod nga ‘Most
Shabulized City’ ang Iloilo
UPOD kita sa kay Presidente Rodrigo Duterte sa pagpakamalaut sa ilegal nga droga, lakip na ang padayon nga dalagku nga mga krimen kag kalakasan sa sosyedad, korapsyon sa gobyerno, kag ang halos wala katibawasan sa pangabuhi sang aton mga utod nga imol.
Apang ginakasubo naton nga indi kita makaupod sa Presidente sa padayon niya nga tawag sa Siyudad sang Iloilo bilang “Most Shabulized City” kag “Bedrock of Shabu” ukon mayor nga ginhalinan sang shabu diri sa Western Visayas.
Ina tungod, kon may balor man ining panugdaon niya angot sa away sa droga, opinyon lang niya ini sadtong pagsugod pa lang sang pag-init sang paglinagsanay kontra sa mga durugista sa pungsod, nga nagbutang man sa Siyudad sang Iloilo sa mga pangunang balita sa tri-media.
Apang madamo na nga mga bulan ang nagligad halin sadto kag halos tanan man nga mga lugar sa pungsod ang nadalasa sa sining War on Drugs.
Matuod, may duha na ka druglords ang natumba diri sa siyudad, kag may pila pa nga ginaayam.
Apang mga ultimo lang ini sila kon ikumparar sa mga inang-inang gid, nga ang pila sini yara na sa National Bilibid, nga daw gina-bebe pa gani sang gobyerno kay daw indi matandug sa sulod samtang ga-enjoy sang ila kabuhi sa mga “magarang kubo”.
Sang sini lang, sa record sang mga pulis mismo, gagwa gani nga ang Siyudad sang Iloilo malayo kaayo sa iban nga mga siyudad sa pungsod sa pagka-seryoso sa mga kaso sang ilegal nga droga.
Sunu gani kay Msgr. Meliton Oso sang Jaro Social Action Center, nga nagpakita sang statistics parti sa ilegal nga droga, mas lala pa gani ang Davao City, sa diin anay nag-meyor si Presidente Duterte.
“Ti ngaa ang siyudad gid sang Iloilo ang ‘Most Shabulized City’ kag ‘Bedrock of Shabu’?” siling gani niya.
Natublag gid si Msgr. Oso sining tawag sa Iloilo sang Presidente, upod man sa madamo nga Ilong-Ilonganon, tungod indi ini matuod.
Ang pila gani ka negosyante nga tani luyag mag-invest sa siyudad wala na gani nagpadayon sang ila plano. Nahadlok sila diri tungod upod sa sining malain nga tawag sa Iloilo ang pagpati nila nga magaduging man ang krimen diri.
Sa karon, ang Jaro Archdiocese nagapa-pirma na sa mga Ilonggo agud petisyonan si Presidente Rodrigo Duterte agud bawion ang pagtawag sa Iloilo City nga “Shabulized City”kag “Bedrock of Shabu”.
Una naka-pirma diri si Jaro Archbishop Angel Lagdameo. Sunod man sa pagpirma sanday Msgr.Oso kag iban pa nga tumuluo nga gaserbisyo sa Jaro Cathedral.
Ginpangabay gid ni Arsobispo nga ang ining petisyon ihatag paagi sa isa ka circular pakadto sa mga parokya agud pirmahan sang tanan nga Ilonggo nga wala pili kon ano man ang ila relihiyon.
Sunu kay Msgr. Oso, ang pagpapirma nagsugod na sadtong Setyembre 23 tubtub makatipon sang bastante nga petitioners bag-o ihatag ini kay Presidente Duterte.
Ginpahibalo man ni Msgr. Oso ang panugyan sang Catholic Bishops Conference of the Philippines (CBCP) agud bagtingon ang lingganay sa tanan nga simbahan sa pungsod halin a las otso sang gab-i sumugod sadtong Setyembre 23 tubtub sa pyesta minatay sa Nobyembre 1.
Tani makita ni Presidente Duterte ang kamatuoran, nga baliskad sa iya sadto opinyon batok sa siyudad, agud magtawhay man ang pensar sang mga Ilonggo kag sang mga investor diri.
Sa matuod, ang mga investor wala sing dapat kahadlukan sa pagbutang sang ila negosyo sa siyudad angot sa problema sang ilegal nga droga diri kay under control man ini sang aton kapulisan. #
[/av_textblock]
[/av_one_full]
