[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Solterito aksidente nalukpan sang pusil, patay ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang Grade 10 nga estudyante sang naigu sang aksidente nga naglupok ang iya ginahampangan nga pusil mga alas-8:40 sa gab-i sang Martes sa Hacienda Manaul, Brgy. Matab-ang sa Syudad sang Talisay, Negros Occidental.
Ginkilala ni Supt. Adonis Rosales, hepe sang Talisay City PNP, ang biktima nga si Adam Joshua Retio Mananquil, 16, kag naga-istar sa amo man nga hacienda.
Nakaagom ini sang pilas sa tiyan kag gindala pa sa Talisay City Health Office apang ginlawag nga patay ni Dr. Josabel Fernandez Macote mga alas-9:30 sang gab-i samtang ginabulong.
Sunu kay Rosales, kalibre .22 ang nag-igu sa tiyan sang biktima kag wala makalapos ang bala.
Pahayag naman sang iya mga abyan nga sanday Robert Tamo, 21, Rommel Plaga, 20, kag isa pa ka 14 anyos, nagapungko sila sa tiangge ni Ana Tumayao sa diin hinali nga ginpakita sang biktima ang iya pusil kag ginkuha ang mga bala sa sulod sini apang ginbalik man dayon.
Sunu pa sa ila nga samtang nagagamit na sang iya cellphone ang biktima, nagasaot-saot ini kag hinali lang nga nabatian nila ang isa ka lupok nga ginsundan sang pag-uy-oy na lang sang biktima.
Gindali-dali pa ini dala sa nasambit nga balay bulolngan apang wala gid natabangan.
Samtang ginasulat ini nga balita, padayon pa ang pag-usisa sang mga pulis sa nasambit nga kaso./PB
[/av_textblock]
[/av_one_full]
