PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Salimpapaw

UHAW ang mga Pilipino sang ginatawag nga transparency sa gobyerno.

Sa pungsod kun sa diin masami nga isyu ang korapsyon, ang mga puluyo luyag sang hayag nga pagdumalahan.

Sa pamunuan ni President Benigno Aquino III gin-umpisahan ang Freedom of Information (FOI) Bill sa Kamara kag Senado. Wala ini nagmadinalag-on nga mangin isa ka kasuguan bangud indi magsanto ang mga probisyon sang bersyon sang Kamara kag Senado.

Sa ti-on sang kampanya para sa 2016 presidential elections, isa ang pagpasar sang FOI sa nangin plataporma de gobyerno sang mga nagpadalagan sa pagka-presidente. Isa sa mga maisog kag bugalon nga nagdala sini nga kawsa amo si President Rodrigo Duterte.

Ang pangako ni Digong sang matinlo nga pagdumalahan isa dako nga bagay sa iya kadalag-an. Syempre numero uno dira ang giyera niya kontra ilegal nga droga.

Pangako ni Duterte sa iya liderato, wala sang korapsyon kag hayag ang tanan sa publiko. Kun indi mapasar ang kasuguan para sa FOI, magapagwa sya sang Executive Order.

Diri nabun-ag ang Executive Order No. 2 “Operationalizing in the Executive Branch the People’s Constitutional Right to Information and the State Policies to Full Public Disclosure and Transparency in the Public Service and Providing Guidelines Therefor.”

Ini nga EO nagakilala sang kinamatarong sang mga Pilipino sa bug-os nga pagpakita sa publiko kag katampad sa serbisyo publiko. Full disclosure and transparency. Ini ang pangako sang EO No. 2 nga ginpirmahan sadtong July 23, 2016 ukon wala pa isa ka bulan nga nagpungko si poder si Duterte. Bangud sini dako ang paglaum sang publiko nga matuod nga mangin hayag kag tampad na ang trasanksyon sa gobyerno.

Apang Nobyembre 25, 2016, alas tres sang hapon, nadismaya ang mga private media nga wala sila ginpahanugutan nga makasulod sa Heroes Hall sang Malacañang para sa launching sang online portal sang FOI. Ini isa ka dako sorpresa para sa mga media nga naga-cover sang Malacañang bangud may verbal invitation sila gikan kay Communications Assistant Secretary Kris Ablan. Ugaling sang magsugod na ang programa sa hapon, ginhambalan sila nga government media lang ang pwede makasulod.

Depensa naman ni Communications Secretary Martin Andanar mismo sya nakibot man nga wala sang private media sa sulod. Sang ulihi natukiban nga mismo si Executive Secretary Salvador Medialdea ang nagmando nga government media lang ang pwede makasulod agud mag-cover sang launching.

Bangud sini nagtuhaw naman ang palamangkutanon sa sensiridad sang Duterte administration sa ginapabugal nila nga transparency sa gobyerno. Ano bala ang ara sa launching sang FOI nga-a gintago sa private media? Freedom of Information  man bala, nga-a sa mismo launching sini gindalok ang impormasyon?

Salimpapaw nga katampad!

Ini nga hulag nagapakita sang pagkasalimpapaw sang Duterte administration. Hayag man bala?

Teh nga-a sa launching pa lang sang FOI may paglimbong na kag paglikom sa publiko?

Indi ko mahangpan kun ano ang unod sang utok sang karon nga administrasyon. Kaangay lamang nga ginahimo kita nga specimen sa experiment sang gobyerno. Kaangay nga ginatilawan sang administrasyon kun ano ang mangin reaction sang media sa pagpahigad sa maragtason nga hitabu sa patag sang pag ginahum sa gobyerno.

Ano gid bala Duterte?

Haist…Ubayi kami, Ginoo!/PN
[/av_textblock]

[/av_one_full]

LEAVE A REPLY

Please enter your comment!
Please enter your name here