PAUTWAS

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]

[av_textblock size=” font_color=” color=”]
Ngaa mas maalam pa sila?

NGAA MAS maalam pa sila? Ini ang akun masami nga palamangkutanon sa tagsa makabasa ako sang thread sa social media – Facebook, Twitter, Instagram kag iban pa. Pero mas malapnagon gid ang Facebook.
Sa pagkadamo gid sang maalam sa Facebook. Makapila ko na ini ka beses nga ginhatagan sang pagtamod apang pamatyagan ko kinahanglan ko gid liwat ibungat ang unod sang akun utok kag dughan. Sa malip-ot nga pulong kinahanglan ko gid magpautwas.
Indi ko na kinahanglan nga magmitlang sang mga ngalan bilang respeto na lang sa ila edad kag kinaalam kun paano man nila ina ginagamit. Bilib gid takun ka andang kaaram magpakamalaut sa Aquino administration kag sa pagkamango-mango gid magdayaw sa karon nga administrasyon.
Ngaa nasiling ko ini? Bangud nga daw wala sila sang nakita nga  kaayuhan nga nahimo sang nakaligad nga administrasyon. Ang punto ko bala amo nga dapat balanse lang nga pagkumento. By the way, ang gina-enjoy nyo subong nga “no balance billing” sa PhilHealth kun ikaw indigent iya pa ina sang Aquino administration.
Ako man madamo sang disgusto sa Aquino administration. Bangud nga ang pangako nga tadlong nga banas wala man natuman. Nangin malapnagon man ang padrino system sa iya administrasyon. Kag matuod ina, wala nya natutukan ang problema sa ilegal nga droga.
Kun wala man niya natutokan ang ilegal nga droga, wala nagakahulugan nga sila protector na. Mahimo man nga protector sila. Pero base man nga indi lang nila focus ini sa iya programa?
Makita man nga ang focus sang administrasyon ni Aquino amo ang ekonomiya kag infrastructure. Bunga sina ang construction boom sa Iloilo kag iban pa nga bahin sang pungsod. Sa pagkamatuod may mga ginapatuman pa nga projects ang Duterte administration nga ginplano sang panahon sang yellows.
Wala kita dako nga isyu kay Duterte. Ako nagapati nga ini nga lider sinsero sa iya away kontra ilegal nga droga. Amo na nga indi ma-highlight ang iya programa sa ekonomiya, ikaayong lawas kag edukasyon. Nangin dako lang nga balita ang libre nga tuition sa state colleges kag universities, kag ang mga hospital assistance.  Kaangay sang nakaligad nga administrasyon may mayor man nga programa ang Duterte administration kag ini ang kontra ilegal nga droga kag kriminalidad , ilakip na dira ang korapsyon.
Maathag nga ini nga mga programa wala na-highlight bangud focus gani sa krimen kag ilegal nga droga. Amo ina nga nakulangan ang iban, ilabi na ang mga kritiko. Dunganan pa sang makahas nga mga hitabu kag mga mapintas nga pahayag nga ginabungat sang President, ti mas naglala pa.
Pero abi mo ano ang problema? Ang problema ang mga tawo nga ara sa palibot nga nagahakab-hakab gid nga makapoder sa Duterte administration. Mga tawo nga dunuton ang iban matuman lamang ang handum nga makaposisyon sa gobyerno. Maalam gid kun basahon ang sinulatan apang maathag ang kabutigan kag pagpatalang.
Ini nga mga posts sa social media, makita kag mabasahan sang iban. Mga tawo nga wala man gani sang ginahimo nga maayo kundi ang magpahubog adlaw-adlaw. Kun makakumentar maalam gid sila sa tanan.
Maalam gid man sila haw? Maybe maalam ugaling ang kaalam ginagamit sa pagpanglimbong kag pagpatalang. Kun ang kilala ko pa, mga tawo nga mahilig sa “chika patalang.”
Ang akun nga ginakabalak-an man lang amo nga ara sa palibot sang administrasyon ang mga Arroyo nga nagapangulintas man sang isyu sang kagarukan sa ila panahon kag mga Marcoses nga nagalaway magbalik sa poder agud mabawi ang integridad (ina kun may ara sila) sang pamilya.
Hingyo ko lang kay Tatay Digong, indi magpatiplang sa mga luyag makaangkon sang poder sa imo administrasyon. Diri sa Iloilo madamo ina sila diri…Pero ang sebo sa ila lawas, tuga na sang kinawatan man nila sang una sa kaban sang banwa. (jfranco1975@yahoo.com/PN)
[/av_textblock]

[/av_one_full]