[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Kawsa gid man bala?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Friday, June 16, 2017
[/av_textblock]
[av_textblock size=” font_color=” color=”]
ARA NA karon sa Kongreso ang resolution nga nagapanawagan imbestigaran ang ginaalegar overbilling kag iban pa nga kapaltahan sang Panay Electric Company (PECO).
Siling sang author sang resolution, posible mahambalan ang iya resolution sa pagbukas sang session sang Kongreso sa pagpanguna ni Rep. Harry Roque.
Ginpahayag ni Konsehal Joshua Alim nga timely ini bangud nga magapa-renew sang franchise ang PECO sa Kongreso sa 2019. Luyag ni Alim nga punggan ang renewal sang franchise sang PECO sang dugang nga 25 ka tuig. Ginaduso sang konsehal nga kooperatiba ukon gobyerno ang magpadalagan sang electric distribution sa syudad.
Nagapati si Alim nga masarangan sang gobyerno nga padalaganon ang serbisyo sang kuryente sa syudad. Mas maayo pa suno sa iya ang serbisyo sang mga electric cooperatives bangud brownout lang ang ila kapaltahan pero ang PECO overbilling.
Matuod nga indi madula ang kakulangan sang isa ka power distributor. Kag bisan ang PECO nga ginadumalahan sang pribado indi exempted diri. Pero kun basehan ang nagakatabu subong sa mga lugar nga sakop sang electric cooperatives, makasiling ka bala nga maayo ang ila serbisyo kontra sa PECO? Ang probinsya sang Guimaras halimbawa nga ginserbisyuhan sang Guimaras Electric Cooperative (GUIMELCO) ano ang ila sitwasyon? Malipayun bala ang mga Guimarasnon sa serbisyo sang Guimelco?
Ang mga konsumidor sang ILECO 1, 2 kag 3 paano naman sila? Ginadayaw bala nila ang ila kooperatiba?
Sa matuod lang indi gid man makaluwas sa problema ang PECO. May brownout, may overbilling kag palpak ang customer care. Pero kun ipaanggid sa iban malayo ang estado sang PECO. Mas maayo sang isa ka milya ang serbisyo sang PECO kun ipaanggid mo sa mga kooperatriba.
Kag sa kaso sang government takeover, may nakita ka bala nga kumpaniya nga gindumalahan sang gobyerno nga nag-asenso? Ano natabu sa RPN-9 kag IBC TV kag radio nga gin-sequester sang gobyerno matapos ang EDAS People Power 1? Ano ang dinangatan sang National Sugar Refinery Corp. (NASUREFCO) sa Calinog-Lambunao matapos ginkuha kag gindumala sang gobyerno? Indi bala lunsay puto tikoy? Kumusta naman ang NAPOCOR? Pamatuod lamang nga indi pwede magsulod sa negosyo ang gobyerno.
Ako bilang ordinary nga tawo, ang government takeover, pagkambyo sang management sa kooperatiba kag non-renewal of franchise mas delikado para sa syudad. Indi kita makabatas magbalik sa daan nga sistema sang power supply sa syudad.
Mahimo naton matadlong ang mga kapaltahan sang PECO paagi sa Energy Regulatory Commission. Kun may ara gid man palpak sa sistema sang PECO pabayaron paagi sa refund. Ang takeover ukon ang indi pag-extend sang franchise delikado sa isa ka nagasanyog nga syudad kaangay sang Iloilo.
Sa pihak sini nalipay kita kay may konsehal nga nagatindog sa kawsa sang mga konsumidor…basta wala lang sang personal nga intension. (jfranco1975@yahoo.com/PN)
[/av_textblock]
[/av_one_full]
