Peligro sa kabataan sang carnival rides

MEMORABILIA. Palihog sa Bureau of Customs idugang ang landmark sa restored Sunburst Park ang: “Formerly Iloilo Aduana Park, Sunburst Park, Iloilo Freedom Grandstand, restored Sunburst Park”. Lihog man idugang isulat sa tupad sini ang mga importante nga historical events angot sa sining mga lugar. Salamat gid.

***

KON sin-o man ang nag-decidir nga iplastar ang duha ka carnival rides sa mga kabataan sa likuan sang Rizal St., sa atubangan sang Jaro Cathedral, ang masiling ta nga abuso mortal na ini.

Ina tungod nagahatag ini sang peligro sa mga kabataan, ila mga ginikanan ukon tagbantay kag mismo sang riding public.

Sa nakita ta personal, ining mga carnival rides – sakay sa kulu-kabayo kag sulu-salakyan – yara gid sa bibi sang dalan sa diin masaka ang mga kabataan sa sining mga rides.

Ang mga ginikanan ukon bantay sa mga kabataan dira man nagahulat sa mga kabataan sa bibi sang dalan. Ang mga salakyan yara man galiku malapit sa sining carnival rides.

Ti, indi bala peligroso ini sa mga kabataan, mga bantay sa ila kag bisan sa drayber kag sumalakay sang mga salakyan diri?

Ano kamo man? Bulyaw nga niyog ukon lipong nga bangros nga indi ninyo  – kamo nga nagpasugot sini – maisipan ini nga problema? Mga haslo kamo, kon ang bantogon nga peryodista nga kilala ko kag sang iban pa sa amon ang patawgon sa sining inyo desisyon. Bulay-og kamo kuno, sunu man gani sa isa ka taga-radyo.

Ngaa indi ninyo ipasulod ining mga carnival rides sa sulod sang Jaro plaza agud mapalayo sa peligyo ang mga kabataan kag kon sin-o pa posible mahalitan sang inyo kapabayaan dira sa bibi sang dalan?

Ina lang seguro ang mga negosyo nga pwede mapahanugutan dira sa maluag-luag gawa nga parti sang plaza sa gwa sang kudal nga indi makaperhwisyo sa mga nagaalagi sa dalan.

Ukon bisan gani sa magamay nga bahin sang malapad nga dalan sa atubangan sang katedral nga indi makaperhwisyo sa mga salakyan kag sa nagaalagi.

Ina ya ang nagakaigu nga paggamit sang husto nga pamensaron. Indi bala!

Tutal pwede man ini sunu sa ruling sang Korte Suprema sa G.R. 97764, nga ginmando sini sadtong Agosto 10, 1992.

Sunu sa sining SC ruling, “The instant case… involves an ordinance which is void and illegal for lack of basis and authority in laws APPLICABLE DURING ITS TIME (sa idalom sang isa ka Batasan Pambansa sang panahon ni Marcos). However, at this point, we find it worthy to note that Batas Pambansa Blg. 337, known as Local Government Code, has already been repealed by Republic Act No. 7160 known as Local Government Code of 1991 which took effect on January 1, 1992. Section 5(d) of the new Code provides that rights and obligations existing on the date of effectivity of the new Code and arising out of contracts or any other source of prestation involving a local government unit shall be governed by the original terms and conditions of the said contracts or the law in force at the time such rights were vested…”

Basta lang nga indi ini makasablag (adversely affect) sa interest sang “…public health, safety and convenience, maintain of peace and order, and promote the general prosperity of the inhabitants of the local units.”

***

Labay man ang akon, indi bala interes naton ang magpatahum sang plaza? Ano abe kon pahanugutan ta ang pagtener dira sang pagbaligya sang mga ornamental plants kag flowers kay nagapatahum ini sa plaza, luas pa nga maka-income ang siyudad sa ila stall fees, ukon arkila? (w_mateojr@yahoo.com/PN)WENCESLAO “

LEAVE A REPLY

Please enter your comment!
Please enter your name here