February 20, 2018


Sang 2015, gin-warningan na sang Department of Environment and Natural Resources (DENR) ang mga establicimiento sa Boracay nga ipa-cerrado ang mga ini tungod sa violations nila sa sanitation standards.

Namati sila kag ang Boracay sang nagligad nga tuig ginhingadlan na nga the “world’s best tourism resort.”

Sang sini lang ugaling, nalangkag liwat ang DENR sa nabalita nga kahigko sang Boracay, labi na gid ang angot sa ginabuga nga higko sa baybayon sini halin sa mga sewerage system.

Isa sang mga nalangkag gid sa sini nga problema sa Boracay amo mismo si Presidente Duterte.

Ginpahog pa gani sini nga ipasara ang bug-os nga isla sa mga turista, bag-o manimaho ang pagka-bantugon sini sa mga nagapauli nga mga turista kag ipanugid ang ining kahigko sang Boracay.

Paagi sa DENR, sa idalom ni Roy Cimatu, gintagaan ugaling sang Presidente ang ining mga establicimiento sang anom ka bulan agud ma-korejaran ang ila mga violations. Otherwise, ipasara na sini sing lubos ang Boracay sa turismo.

Meantime, gintukod sang Presidente ang isa ka task force agud tun-an sing maayo kag tagaan sing solusyon ang ining problema sang kahigko sang Boracay.

-0-0-0-

Sa makahibalo sa sining problema sang Boracay, segurado madamo sa ila ang mapilitan sa pagsaylo sa iban nga mga tourist destinations.

Medyo mas magasto ang makakita sang lugar kapareho sang Boracay, labi na gid kon halin sa Asya. Pero madamo man ang makasarang mag-gasto kon kinahanglan gid agud lamang maka-enjoy sa mga lugar nga katulad sang Boracay.

Isa sini ang isla sang Maui sa Hawaii nga mas magasto sayluhan sang mga turista tungod malayo ini para sa kalabanan sa Asya.

Katulad sang Boracay, ang Maui may mga apat ka kilometro man sang kalawig nga white beach nga makahatag man sang nagakaigu nga mga amenities sa mga turista.

-0-0-0-

Meantime, indi man kita mag-desperar sa sining problema sa Boracay, kay makahatag man ining problema sang Boracay sang oportunidad sa mga turista agud tukibon ang iban pa nga lugar sa Western Visayas nga maluyagan man nila duawon sa ila pag-lagaw-lagaw.

Indi lang luyag naton magpahuway-huway sa matahum nga beach kag magtampisaw sa masul-asulon nga tubig. Indi bala? Puede man kita ma-engganyo agud mag-tour para sa iban nga eksperyensya kag talan-awon.

Ejemplo lang, puede man naton ma-engganyo ang mga turista nga mag-cruise palibot sa Guimaras “to take their adventure to the next level”.

Diri, may mga hotel man sila ma-teneran. Diri man, makasakay man sila sa jetski, magpaguyod sa jumbo dog, magbugsay sa baroto, mag-leisure fishing, mag-swimming sa matin-aw nga baybayon, mag-sunbathing, mag-snorkeling, kag, sa pag-abot sang kasidsidmon pakadto sa kagab-ihon, puede man sila magtulog sa malimpyo nga balas sa idalom nga mga bituon. Indi bala manami ina?

Puede man maka-enjoy kita bilang turista sa iban pa nga bahin sang Western Visayas nga indi kinahanglan maggasto sing tuman. Mag-check lang sa mga travel agencies kag sa upisina sang Department of Tourism./PB

LEAVE A REPLY

Please enter your comment!
Please enter your name here