Pagtukod sang parking facility paagi sa PPP

NAGABUG-AT na gid ang problema sa pag-park sang mga salakyan diri sa siyudad sang Iloilo.

Tungod ina sa madasig man nga pagdugang sang pagpanag-iya sang mga salakyan diri, kag sang pagsulod sang iban pa halin sa gwa.

Sa problema sang kakulang sang parkingan diri sa siyudad, may hingyu na gani ang gobyerno sa pagtukod sang multi-level nga parking space sa pila ka palapag paibabaw sa isa ka building sa tupad mismo sang Iloilo City Hall.

Ang PSTMO gahingyu gani nga untaton na gid lang sing lubos ang on-road parking! Ugaling lang, diin ta abe sayluhon ining mga salakyan nga indi gid man malayo sa ila pagka-kinahanglan? “Sa langit? Huwag naman ang ganyang biru!” siling gani sang amigo ko.

Kon ang problema amo ang kakulang sang parkingan, ang solusyon, syempre, amo ang pagdugang sang parkingan.

Isa ka suhestyon amo ang pagtukod sang isa ka commercial parking facility nga mabuligan tukod sang gobyerno kag sang private sector paagi sa isa ka joint venture (JV), ukon Public-Private Partnership.

Sa sining PPP, ipagamit sang gobyerno ang isa ka bakante nga duta agud patindugan sang negosyante sang iya parking business.

Ining joint venture gin-athag sang NEDA sa “Revised Guidelines and Procedures for entering into Joint Venture (JV) Agreements Between Government and Private Entities” nga gin-aprubahan sini sadtong Mayo 3, 2013.

Ang Revised Guidelines nagasiling sa 2.0 Principles:

“The Government shall enter into a JV arrangement consistent with the following principles:

“2.1 The creation of the JV should not prevent potential players from profitably entering into business venture/market;

“2.2 The cost of producing the particular product, activity, or service should be efficient or potentially efficient towards earning potential profits for government and the market player/private sector partner;

“2.3 The role of government as regulator of the business of the JV should be clearly and explicitly delineated from its role as implementer of the business to avoid conflict of interest.”

Sa aton pa (sa Principle 2.1), ang gobyerno pwede makasulod sa profit-sharing upod sa private sector sa isa ka PPP nga project.

Ang rason diri (Principle 2.3) basta ang rolyo sang gobyerno amo lang bilang “regulator of the business” kag indi tagpalakat sang negosyo agud likawan ang “conflict of interest”.

Ining “conflict of interest” nagatumod seguro sa isyu sang legalidad sang paggamit sa negosyo sang propiedad sang gobyerno.

In fact, amo-amo man gani ini ang rason sang pagpatuman sa Estados Unidos sang on-road parking fee agud makalikis sa legal nga isyu sa paggamit sang public roads agud makakuha sing parking fee.

May isa na gani kita ka kaso sa diin nakasulod ang gobyerno sa isa ka PPP project. Ang ginatumod ta diri amo ang P125-M nga Parola Terminal nga joint venture sang siyudad kag sang Injap Corp. Maga-earn diri ang siyudad sing isa ka porsyento (1%) sa kita sang negosyo luas sa kitaon halin sa buhis.

***

PASIPLAT

Interesting Facts About West Visayas

By Atty. Rex S. Salvilla+

(President: Iloilo Historical Association and West Visayas Historical Research Foundation, Inc.)

‘Sports and Recreation – Post War’ – Part 3

(Halin sa Book 7, pahina 15-16)

Sa Ball Games yara sanday:

* Ramon Campos Jr. sang IIoilo City – Nakalista sa Rotary Sports Hall of Fame si Campos nga isa sa duha ka basketbolista nga Filipino nga nakahampang sa 3 ka Olympic Games: sa London (1948); Helsinki, Finland (1952); kag Melbourne, Australia (1956);

* Rafael Hechanova sang Jaro, Iloilo City – 1951 Mr. Basketball of the Philippines kag captain ball sang Philippine team sa Olympic kag Asean Games; nakalista sa Rotary Sports Hall of Fame;

* Fidel Peñaranda – nakahampang football sa Tokyo Olympics kag Asean Games;

* Domingo Paeldonia – pitcher nga nanguna sang iya team sa championship sang World Softball Tournament sa Guam;

* Paulino Alcantara – Kilala nga football player; natawo sa Iloilo sadtong 1896. Sang 1912, nag-debut sa paghampang sang football sa edad lang nga 15 anyos sa Espanya, sa diin gindaug niya ang 5 ka Spanish championship caps kag 10 sa Cataluña championship sa iya paghimo sang 374 ka goals sa 375 ka games. Gin-laragway siya nga “possessing the killer instinct of a matador”. Isa siya ka doktor sa medisina nga nagtaliwan sadtong 1964. (May kasugpon)/PN

LEAVE A REPLY

Please enter your comment!
Please enter your name here