[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
AMENDARAN AGUD INDI MAABUSARAN
Ginahimu nga merkado ang mga plaza sa Syudad sang Iloilo sa tagsa ka tuig. Nangin alternatibo sang magutok nga merkado kag ginabularan sang ila nga produkto.
Halos tagsa ka tuig nangin isyu na ang tuma ka mahal nga sukot, ang nagapanukot nga wala sang pahahugot kag kon diin nagakadto ang ginasukot.
Makapila ka beses na nga naghiwat sang imbestigasyon ang konseho sang syudad, sadtong panahon ni anay konsehal Lex Tupas kag sining ulihi lang nag-usisa man ang komitiba ni konsehal Rleonie Gerochi.
Lunsay imbestigasyon nga wala sang nalab-otan nga konklusyon. Lunsay patawag sa mga gina-usisa nga sang ulihi wala man sang penalidad nga nagtupa.
Paano mahatagan sang leksyon ang mga nagasupak sa patakakaran kag sa kasugoan ang mga sutil nga tawo, ilabi na ang mga nagapang-empleyo sa gobyerno, kon wala sang maaathag nga direksyon angimbestigasyon kag wala sang may napadutlan sa ila nahimu nga kapaltahan.
Magapabilin nga labutaw ang aton pagsaad sang kasuguan kon wala sang penalidad nga mapatuman.
Dapat bag-uhon na ang konsepto nga ang mga plaza indi mga merkado nga magapinagusto lamang ang bisan sin-o sa pagwagwag sang ila mga produkto.
May nagabaligya sang tanom nga tuman ka mahal sang iya bili, ang gamay nga plorera sang tanom daw kaangay sa isa ka kilo nga baboy ang iya nga bili. Nagalikaw sila sa paghimu sang mga garden show sa mga mall bangod nga mahal ang sukot sa ila kag magabulubahado sila kon sa mga plaza makapasundayag sang ila mga baligya.
Dapat hatagan na sang direksyon kag lugar ang mga negosyante nga umalagi sa isa ka lugar kag wala sang permanente nga pwesto.
Kaangay sila sang mga bulantero apang binulan ang tenir sa sulod sang plaza kag gina-abusaran sang mga tonto nga tawo nga nagapamentaha sa ila kahimtangan.
Kuntani paminsaron kag tun-an sang mga konsehal kon paano sila hatagan sang espasyo sa mga mall ukon sa mga parking area sang mga mall, gamay nga lugar kon sa diin sila makaplastar sang ila baligya nga tanom.
Dapat man nga ipatuman ang kasugoan angut sa pagbaligya sang mga ukay-ukay. Indi sila makasulod sa mall, wala sila sang legal nga nawong rason nga naga-agwanta sila sa bisan diin nga hilit-hilit.
Madugay na ini nga palaligban, ilabi na sa tagsa ka nagahilapit ang kapyestahan sang tagsa ka distrito. Ginapasiradohan ang plaza, ginapapuertahan, kag ginadalok ang pangpubliko nga lugar sa mga may ibayad sa ila sukot.
Husto na nga pag-abusar, balikdon ang daan nga ordinansa agud nga mapatalom ang iya ngipon, bairon santu sa kinahanglanon kag demanda sang panahon. Dapat nga may madutlan agud nga may masampulan kag mapamatud-an nga ang mga kasugoan sang syudad wala sang pinilian.
Nagapakita sang pinasahi nga liderato si acting Mayor Jose Espinosa III sa karon. Madasig ang iya pag-akto kag seryoso nga ipatuman ang kasugoan, handa nga patilawon sang penalidad ang mga nagasupak kag nagakutaw-kutaw sa mga kasuguan sa syudad.
Samtang ginasolusyonan ang karon nga sitwasyon, ang daan nga ordinansa dapat nga amendaran agud indi maabusaran./PB
[/av_textblock]
[/av_one_full]
